2009年,新既一年新既開始.2009年都係無咩大計,有工返有收入有朋友都已經夠,其他既野遲下再算了.

對上一次打xanga已經係08年11月頭既事,其實而家打xanga都唔知有無人睇~算了,當係打比自己睇返就好了~~而家就係返工放工,日日都係咁循環咁去,真係只從搬左去天水圍就無咩夜生活.之前係黃埔起碼都會有1,2個無聊友搵我夜晚打機食消夜,而家有時連放假都懶得出去.

剛剛既星期六,應趙國強邀請相約一班中五同學去打邊爐.但去到都幾多人係近期先見過面,好耐無見既真係得兩三個.今次真係比足面阿趙,本應星期六係返大陸搵我地部門真真正正既大佬食飯,最後幾經掙扎之後都係去左同阿趙佢地打邊爐,結終成班佬一齊白白痴痴吹水食飯又真係係過引.由其是中學果班,幾白痴都有,大家都成個大細路咁.最後我提早走人,因為十二點十尾班車返天水圍,我唔想坐紅van返屋企,貴之餘又係貴,總之就係貴.

新一年,真係有人歡喜有人愁.
第一,有一個傻仔起左職,又唔駛點做又有得升職真好.佢真係幾好架,因為做既又唔係佢,唔掂就其他人做.只可以話人有三衰六旺,咁岩佢旺過旺旺咁,無法.
第二,呢個都係今日先知.個傻仔整走左我係hkbn個名,居然加試用期都未過既人名上去,唉......未過試用果位就無咩問題,我覺得好能力重好好.但只係覺得莫名其妙既係佢連試用都未過,你就加佢個名?就係因為要加佢個名就要抽走我個名?你地自己人都唔駛做到咁出面下......即係你想玩晒啦,心淡......

唉......本來重諗住呢到可以做兩三年邊做邊有野學,而家無啦,心都淡晒,遲下好景就再見了~
好彩我留有一手,有好多方法都無寫底.
而家係時間開始效法其他兩位了,聽日就去買條8g跟身放資料,重要野跟身當然會比較安全,同埋要保自己嘛.

前景......唉.......我諗轉新環境會係我最好既前境......

有時真係覺得同德既生活,同德既各位真係好好.阿paul既釣魚,patrick既扮諗野,我既上倉行圈周圍吹水,重有我最新既漫畫......人工多2千就多咁多不滿......

而家聽講話今年應該無花紅,得份雙糧,重唔知有無得加人工.之前睇蘇民鋒重話來年事業有好發展,而家真係唔方唔好,來年都未到,農曆年尾已經係咁,之後點過都唔知.重話來年係桃花年,真係睇過就算......

又你事隔一個月後先打xanga~
始終時間是一直走動的,阿棋遠走他方去尋找所愛,但同時彩虹道比人找渣地搞搞振,唉..........

文西哥好麻煩,真係呢,佢係高級但識既野真係唔知有無咁高級,人工重要咁高,唉.......咁高人工但做咁少野,睇見到火爆.

突然間有點萌生去意,日日都咁多野做,又搬左去天水圍,放工又無地方去就係返屋企,真係好悶........悶到有衝動唔想做野一排.........而家對比起舊果份工真係好得閒,可以得閒到走上走落搵人玩.呢份就比人玩似d,日q日咁多野搞,比佢玩死.

唉.........突然發覺自己好似無咩朋友咁.........唉...............